Edición xeral
Touriño avanza que haberá área metropolitana Vigo-Pontevedra
O presidente anuncia que esta e a que abranguerá A Coruña-Ferrol se presentarán antes de finalizar o ano.
Touriño, co alcalde da Coruña, Xavier Losada, este luns
O presidente da Xunta, Emilio Pérez Touriño, confirmou este luns que as directrices de ordenación que a Xunta presentará a final de ano, incluirán as áreas metropolitanas con A Coruña e Ferrol, no norte, e con Vigo e Pontevedra no sur.
Deste xeito, Touriño rebate nunha visita institucional á cidade herculina a aposta do alcalde de Vigo, Abel Caballero, que até o de agora mantivera que a futura Área Metropolitana de Vigo se crearía, tal e como anunciou na campaña electoral, con 28 municipios en torno á cidade olívica entre os que non estaría Pontevedra, e cun presidente que sería o alcalde vigués.
No caso da Coruña, a cidade "estenderá a súa capacidade de vertebración" até incluír Ferrol e Carballo, cun espazo para concretar as "grandes infraestruturas" xa que, segundo sinalou, "hai que pensar máis alá dos espazos supramunicipais e sumar as grandes cidades".
En consecuencia, Touriño opinou que o debate non debe ser nominalista, xa que o importante é "pensar máis alá dos concellos e centrarse nas masas críticas que permiten gañar en espazo económico, social e cultural para ser competitivos nun mundo global".
Novas relacionadas
- Territorio e áreas metropolitanas
- O BNG da zona de Vigo reúnese para debater sobre a Área Metropolitana
- O debate da área metropolitana afonda o conflito interno do PSdeG vigués
- Caballero insiste co seu modelo de área metropolitana
- "Ningunha medida sensata en 16 anos", di Varela do modelo de ordenación territorial do PPdeG
- Desaire de Caballero a Casal, quen lle reprocha falta de humildade
- A socialista Teresa Casal cualifica a Caballero de "viguista desfasado"
- A segunda lea Caballero-Romeu no camiño da área metropolitanana viguesa
- Abel Caballero oponse a unha área metropolitana Vigo-Pontevedra
- Nun ano conformarase a área metropolitana Vigo-Pontevedra
Comentarios (6)
Ten algún sentido anunciar unha área metropolitana que ten en contra o alcalde do maior concello desa área e a boa parte dos "líderes sociais" e poboación?
emigrado, a postura de Caballero é persoal e non era(non sei se o é) a do psoe vigués
Colazo eu non entro a valorar se a postura de Caballero é mellor ou peor, o certo é que é o alcalde de Vigo e está en contra desa área. A postura do psoe vigués? a que lle digan o que ten máis poder... desde cando o psoe vigués ten opinión en nada...
E a iso chámanlle area metropolitana Vigo-Pontevedra.
28 municipios abrigando a cidade olívica...
E onde van pór a muralla, para separar ben separada á "aldeiña" de Pontevedra?
Máis que Abel Caballero, semella "Caín Villano"
Alguén me pode dicir para qué (carallo) serve a área metropolitana?Qué resolve respecto a Deputacións, mancomunidades e concellos?Estarán tódolos concellos en áreas metropolitanas(vila de cruces, por exemplo)?será voluntaria ou obrigatoria a participación nunha área metropolitana?
Máis burocracia, para qué?xa sobran as deputacións(principal foco de caciquismo municipal)para que crear outro...?
RiQee o que sobran, ademáis das diputacions, verdadeiros "chiringuito" da subvencion, son os reinos de taifas que son os concellos. Se a diputacion é un "chiringuito" da subvencion, o concello é o refuxio do especulador da construccion.
A Xunta é comarcalizacion, que no caso de A Coruña-Ferrol, Vigo-Pontevedra e área de Santiago, que é a maneira, polo desenvolvimento urbano, de facer a comarcalizacion.
E comarcas en Valdeorras, a Mariña Lucense, o Barbanza, ou a Costa da Morte, ou o Deza, por pór algun exemplo.
E os concelliños que só serven para que os alcaldes vivan da especulacion e a subvencion. FORA XA.
A Xunta e as comarcas-áreas metropolitanas no caso das cidades, e chega.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto