Edición xeral
A prensa inglesa faise eco do interese de Amancio Ortega no reparto eólico
The Independent revela as ambicións do fundador de Zara como presidente e accionista principal de Capital Energy.
Que Amancio Ortega está interesado no sector enerxético non é xa ningún tipo de segredo. Con todo, o diario inglés The Independent informou este martes do ambicioso plan de investimentos que supostamente está na mente do fundador de Inditex. Segundo adianta este xornal as intencións de Ortega van máis alá do concurso eólico convocado pola Consellaría de Innovación e Industria, no que solicita un total de 739 megavatios dos 3.325 en xogo, e que prevé uns 20 parques. A súa intención é investir máis de dous mil millóns de euros nos vinderios 18 meses, nuns plans que irían máis alá do territorio do Estado Español.
O home que construíu unha fortuna de 30 mil millóns de euros co téxtil, entra agora de cheo no sector enerxético con proxectos en diferentes frontes. The Independent fala da produción de biocarburantes, da posta en marcha de parques eólicos mariños ou da enerxía solar fotovoltaica (de feito xa puxo en funcionamento varias plantas en Castela A Mancha e en Madrid). Así, xa se constituíron unhas dez sociedades participadas por Capital Energy, que se reparten en biofuel, solar, eólica e termosolar. Ademais, a empresa participada maioritariamente por Ortega está tamén presente en America Latina, Europa do Este e a India.
A información completa pódese ler en The Independent (From the high street to high winds: Zara boss bids to power the world).
Ligazóns
Novas relacionadas
- Adega critica a “falta de transparencia” do Plano Sectorial Eólico
- A Xunta tramita un Plano do Sector Eólico sen consenso
- A Federación Ecoloxista demanda a suspensión cautelar do proceso eólico
- O reparto eólico sobe a voltaxe política no Parlamento
- Fernando Blanco agradece a "preocupación" de Medio Ambiente e Política Territorial polo concurso eólico
- Quintana defende o concurso eólico fronte ao “espolio” dos gobernos anteriores
- Catro cooperativas leiteiras lideran un proxecto que aspira ao concurso eólico
- A ampliación do Plano Eólico de Galicia é ambientalmente inasumible e crítica.
- Fernando Blanco lémbralle a Fenosa que o concurso eólico gañarano "os mellores proxectos"
Comentarios (6)
Xuro que non estou narcotizado, mais, reparades que Mendez-Ferrín en Amancio Ortega son cuspidiños?
por que este maragato non ficou traballar na súa terra?, e aínda por riba critica a "imposición do galego". Por que non crea riqueza na terra que o acolleu e o fixo rico e vai crear empregos na China?. Incomprensible, é o expoñente de moitos cazurros que viñeron á nosa terra e se sentían superiores simplemente por falaren castelán. Este tío fíxose rico grazas á explotación das mulleres galegas, a economía sumerxida e non sei que máis(ou prefiro non sabelo).
por que este maragato non ficou traballar na súa terra?, e aínda por riba critica a "imposición do galego". Por que non crea riqueza na terra que o acolleu e o fixo rico e vai crear empregos na China?. Incomprensible, é o expoñente de moitos cazurros que viñeron á nosa terra e se sentían superiores simplemente por falaren castelán. Este tío fíxose rico grazas á explotación das mulleres galegas, a economía sumerxida e non sei que máis(ou prefiro non sabelo).
algo andarás, a min non se me semella nadiña
Que o conselheiro lhe deixe, que o Amáncio é da terrinha. E tem dinheiro.
Logo já haverá tempo para que o Tourinho de turno saia dizendo com voz triste "...foi una mala operación pa galicia..."
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto