Vieiros

Vieiros de meu Perfil


Edición xeral

RSS de Edición xeral
Conflito con Marrocos

Continúa a tensión no Sáhara pola morte de dous estudantes nunha protesta

Axentes marroquís cargaron esta fin de semana contra familiares e compañeiros dos finados logo do seu funeral.

Redacción - 12:00 09/12/2008
El Houssein Kteif e Baba Khaya

El Houssein Kteif e Baba Khaya

O goberno de Marrocos estase a empregar con contundencia co fin de evitar que se produza unha revolta popular nos territorios ocupados do Sáhara Occidental. A principios da semana pasada dous estudantes saharauís resultaron mortos nunha protesta en Agadir, informa o Servizo de Comunicación Saharauí en Canarias (SCSC).

Esta fin de semana repetíronse as cargas dos últimos días durante os funerais por Baba Khaya e El Houssein Kteif. Familiares e centos de civís saharauís da cidade e dos seus arredores, portando bandeiras da República Árabe Saharauí Democrática, concentráronse logo do acto relixioso polo segundo, en Bojador.

Efectivos armados da Policía e da Xendarmería marroquí cargaron entón "con enorme brutalidade", producindo "numerosos feridos e iniciando unha serie de detencións e toma de domicilios", segundo denunciaron activistas de Dereitos Humanos.

Ademais, con posterioridade á concentración, os axentes de seguridade obrigaron "baixo ameaza a algúns" dos membros da familia de Baba Khaya, a participar nunha repetición do seu funeral co fin de que a familia aparecese "xunto ás autoridades marroquís", e así "escenificar unha montaxe para os medios de comunicación".

Varios barrios da capital, El Aaiun, permaneceron bloqueados por forzas marroquís durante toda a fin de semana, e continuaba "a intensa campaña de detencións, torturas e violencia". Esta situación foi a tónica da semana pasada, tamén nos centros educativos onde estudantes de Secundaria se concentraron para condenar a morte dos seus compañeiros.


3.71/5 (7 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: