Vieiros

Vieiros de meu Perfil


Fwwwrando

RSS de Fwwwrando
COMPENSACIÓN POR COPIA PRIVADA

Empresas de electrónica e xestoras de dereitos únense contra a "fraude" do canon

Consideran "competencia desleal" a das firmas que importan e comercializan produtos sen o gravame.

Redacción - 17:45 30/03/2009

A Asociación Multisectorial de Empresas Españolas de Electrónica e Comunicacións (Asimelec) chegou a un acordo con tres entidades de xestión (Aisge, de Artistas e Intérpretes; Dama, de Medios Audiovisuais, e Egeda, de Produtores Audiovisuais) para loitar "contra a fraude do dereito de compensación por copia privada", para o que constituirán un grupo de traballo.

As catro entidades unirán esforzos para evitar que se comercialicen equipos, como reprodutores de MP3, e soportes, como DVD ou CD, sen canon, o que lles "afecta tanto a fabricantes e importadores" como "aos titulares dos dereitos e á Administración Tributaria". O grupo de traballo prevé constituír unha mesa de diálogo permanente entre a industria tecnolóxica e as entidades de xestión para erradicar "a competencia desleal" coas empresas de electrónica e comunicacións que "defraudan os titulares de dereitos e Facenda".

A colaboración centrarase en tres áreas: elaboración de estudos para coñecer o sector e a súa evolución tecnolóxica, creación dun Código de Boas Prácticas, e mellora nos procesos de xestión da copia privada que "eleven a transparencia".

Tamén se prevé poñer en marcha unha campaña publicitaria para que as empresas que comercialicen produtos sometidos a canon eviten "futuras prácticas encamiñadas á elusión da devandita compensación".


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: