Vieiros

Vieiros de meu Perfil


Máis Alá

Xestionado por Vieiros
RSS de Máis Alá
ARTE

O fogar dos sentimentos, por Antón Lamazares

O lalinense presenta en Compostela a súa obra máis recente da mostra Domus Omnia e Fai frío no lume.

Isabel G. Couso - 12:45 25/02/2010

Despois do seu paso por Ourense, a obra de Antón Lamazares recala en Compostela. O artista afincado en Berlín e recoñecido mundialmente pola súa persoal concepción da pintura leva a Santiago unha recompilación da súa obra máis recente e inédita no marco da mostra Domuns Omnia e Fai frío no lume, que se pode visitar dende este xoves.

Da súa obra, que xa percorreu as máis prestixiosas galerías de todo o mundo, opinan os máis recoñecidos críticos. Así, Francisco Calvo Seraller dicía a propósito da súa última exposición en Berlín: "con casas ou sen elas, a pintura de Lamazares ten manifestado sempre unha crenza brutalista pola materia e polo o xesto, vou dicilo así, inocentes, que non é exactamente o mesmo que espontáneos. Lamazares é, non hai que esquecelo, un artista mental e tecnicamente moi completo. Pode, por exemplo, usar como soporte un vulgar cartón mais, nas súas mans, ben prensado e vernizado, cobra o lustre dunha madeira enlucida".

Vieiros tivo a ocasión de falar co artista con motivo da súa última exposición no Centro Cultural da Deputación de Ourense. Velaquí un vídeo que achega unha mostra da súa obra e as súas palabras convidándonos a visitala.


5/5 (9 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Vídeo: Mostra da obra de Antón Lamazares

Antón Lamazares é natural de Maceira (Lalín) mais está afincado en Berlín
Antón Lamazares é natural de Maceira (Lalín) mais está afincado en Berlín