Edición xeral
O Exército turco bombardea, máis unha vez, obxectivos do PKK en Iraq
Fontes militares cualificaron a operación levada a cabo este venres e este sábado como a máis importante do ano.
Turquía lanzou en febreiro unha gran ofensiva terrestre no Curdistán iraquí
A aviación do Exército turco volveu atacar obxectivos do Partido dos Traballadores do Curdistán (PKK) no norte de Iraq este venres e este sábado, sinalou o Estado Maior.
Estas mesmas fontes afirmaron que se trata da maior operación militar no que vai de ano contra o grupo independentista curdo, considerado un grupo terrorista polos Estados Unidos e pola Unión Europea.
"Avións da forza aérea turca, apoiados por disparos da infantería en terra, golpearon obxectivos do PKK nunha efectiva operación o 25 e o 26 de abril", apuntan nunha declaración pendurada na súa web.
O primeiro dos bombardeos produciuse esta cuarta feira, no que é a primeira acción militar dende que a finais de febreiro Turquía lanzase unha misión terrestre no interior do territorio septentrional iraquí.
Novas relacionadas
- O PKK chama ao levantamento aos kurdos de Turquía
- Turquía lanza unha gran ofensiva terrestre no Curdistán iraquí
- Erdogan: "Non hai terroristas bos e terroristas malos"
- A opinión pública turca presiona o goberno para que ataque ao PKK
- Máis dunha ducia de soldados turcos mortos tras un ataque do PKK
- Iraq quéixase de que Turquía xa despregou 140 mil soldados na fronteira
Comentarios (3)
Non precisan facer máis demostracións de ter BEN ENTENDIDA A DEMOCRACIA OCCIDENTAL!
Que os pasen xa para a división de honra da NATO/OTAN!!
Este é o Estado que,segundo dín,va a entrar na UE no 2020.Moito terá que fazer para entón.
En Iraq ten permiso para bombardear quen queira. Bo quen queira non. Irán non.
Supoño que isto non atrasa o seu ingreso na UE. O mesmo ata o adianta.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto