Edición xeral
Aymerich: "Galiza non admite esperas, temos que poñernos a traballar xa"
O candidato á portavocía nacional do BNG destacou que van loitar por un Bloque "máis aberto, amplo e plural", a través do "papel da militancia".
Após a marcha de Anxo Quintana, sabíase que os quintanistas andaban argallando tamén unha súa alternativa para presentar á Asemblea Nacional do BNG, que se ha desenvolver o vindeiro 10 de maio, e da que sairá o novo líder da formación.
Após as presentacións das alternativas da UPG e dos críticos do Encontro Irmandiño, este sábado en Compostela varios "militantes independentes" presentaron acabada de crear plataforma Máis BNG: o cambio necesario. Unha morea de alcaldes e alcaldesas de todo o país, do BNG; militantes de Galiza Nova; do Espazo Socialista (ESG), de Inzar; e do PNG, xuntáronse nun hotel en Compostela para apoiar o seu candidato á portavocía nacional do partido: Carlos Aymerich.
Aproveitando o intre no que non chovía, polo mediodía, saíron todos ao xardín para sacar a fotografía de familia. A carón de Aymerich posaba a conselleira saínte de Vivenda, Tareixa Táboas, e o secretario xeral do ESG, por quen chamou o candidato desta plataforma, logo de ir sinalándoos un a un para que fixesen unha formación apertada, que coubese na imaxe, ao seu redor. A fotografía repetiuse momentos despois, dentro dun pequeno edificio de madeira no xardín deste hotel, onde Aymerich volveu xuntar, non sen esforzos, porque andaban todos repartidos pola pequena sala, os alcaldes e alcaldesas e os líderes das formacións políticas integradas no BNG que o foron acompañar na presentación.
A importancia toda para os militantes de base
A seguir, Carlos Aymerich achegouse ao micrófono e agradeceu a presenza de todos os seus compañeiros e compañeiras que quixeron estar con el neste día no que presentaba "unha plataforma formada por homes e mulleres do BNG, militantes independentes que lle queren ao partido e confían na súa vixencia", sinalou, ao tempo que destacaba que todos os alí presentes pensan que "o proceso político do nacionalismo galego precisa un cambio de mandos, e dos militantes é a decisión: eles e elas deben elixir o futuro que queren para a nación, que se conseguirá a través da responsabilidade individual, do traballo do día a día".
Nesta liña continuou Aymerich, gabando a militancia de base ao sinalar que nela está o "mellor valor do BNG". "Temos que ampliar a base de verdade. Toda a xente que nos vota, os nosos simpatizantes... Teñen que ter un sitio dentro do BNG. Hai que organizalos, darlles traballo, darlles responsabilidades polo ben do noso país", subliñou.
"O BNG non lle pode pedir a Galiza que espere"
Nesta liña continuou Carlos Aymerich, querendo recalcar que o "proceso de cambio no BNG" non se pode alongar máis no tempo, que ten que pecharse xa na vindeira Asemblea Nacional do 10 de maio, porque "Galiza non admite esperas". "Non lle podemos pedir ao país que agarde por nós, temos que poñernos a traballar xa, porque ao PP só lle quedan catro anos, e nós temos que liderar a oposición con forza, para despois liderar o Goberno", aseverou o líder de Máis BNG.
"Un país libre, próspero e xusto"
Nesta liña dixo que todos os alí presentes e os militantes do Bloque "seguen a confiar" no seu "proxecto maioritario de Goberno", que se basea en traballar por "un país máis libre, próspero e xusto": "estas son as arelas do nacionalismo galego". Así, continuou remarcando a necesidade de que o Bloque lidere a oposición, antepoñendo as alternativas que "pode aportar" á crise "financeira, alimentar e enerxética" dende Galiza. "Nós non podemos solucionar a crise mundial dende aquí, dende Galiza, pero podemos traballar nas alternativas que fagan que o país prospere, dentro dun proxecto de sustentabilidade económica, social e ambiental".
"Temos unha empresa común, que é Galiza, e debemos poñer a punto a ferramenta para mudala: o BNG"
Con esta frase Aymerich resumiu o pequeno discurso de presentación de Máis BNG, lembrando que "dende o 10 de maio" van seguir traballando cara adiante, aínda que a súa candidatura non se aprobe nas asembleas comarcais. "Non imos abandonar así pasen as asembleas comarcais. Hai tres candidaturas, até o de agora propostas para a portavocía nacional", -lembrou, referíndose á súa propia, á do Encontro Irmandiño, que lidera Xosé Manuel Beiras, e á da UPG, que encabeza Guillerme Vázquez-, "que se debaterán no plenario, non antes, pero con isto non pasa nada: o BNG non vai rachar. Cada unha das candidaturas ten o seu proxecto de cambio e o seu modelo do que queren que sexa o BNG, e nós como Plataforma tamén temos a nosa idea. Cometéronse moitos acertos, pero tamén moitos erros no Goberno, e hai cousas que temos que mudar, pero estamos orgullosos do noso proxecto e das conquistas sociais que conseguimos nestes catro anos", recalcou Aymerich.
Nesta liña, e ao ser preguntado polos xornalistas sobre as posibilidades de que a súa candidatura se alíe coa da UPG, unha vez se chegue á Asemblea, Aymerich dixo que "non sería serio estar especulando", e apostou por agardar ao 10 de maio, cando serán a militancia e os delegados "os que decidan quen é o mellor Voceiro Nacional e cal é o mellor proxecto para esta organización".
"Outros prefiren continuar cunha etapa transitoria para poñer de líder a non se sabe quen, pero hai que poñerse a traballar xa"
Ao terminar, dirixiuse aos xornalistas para recalcar que esta Plataforma non nace só de cara ás eleccións de 2013, senón para "poñerse a traballar xa para liderar o Goberno en catro anos". "Outros prefiren continuar cunha etapa transitoria para poñer de líder a non se sabe quen, pero nós temos unha idea clara: dende o 10 de maio temos que comezar a poñela en práctica", concluíu.
O apoio dos alcaldes e alcaldesas
Ademais de Tareixa Táboas, o secretario xeral do PNG, Iago Tabarés; o secretario xeral do ESG, Xoán Carlos Bascuas; e o secretario xeral de Inzar, Xesús Veiga; este sábado estaba a carón de Aymerich en Compostela Abel López Soto, alcalde de Sada; Fernando Suárez, alcalde de Ribadeo; Severino Rodríguez, alcalde de Monforte; Félix Juncal, alcalde de Bueu; Clara Millán, alcaldesa de Cangas; Sandra González, alcaldesa de Tomiño; Raúl Francés, alcalde d'O Porriño; Teresa Barxe, alcaldesa d'A Bola; Xan Jardón, alcalde de Vilar de Santos; Xavier Oviedo, alcalde de Maceda; e Xurxo Rodríguez, alcalde de Castrelo de Miño.
Novas relacionadas
- Alternativa pola unidade rexeita que coincidan voceiro nacional e parlamentario dentro do BNG
- O PNG apoia a Aymerich para a Portavocía Nacional do BNG
- O Encontro Irmandiño di que as súas listas “non son franquicia de ningún líder”
- A UPG confirma a súa aposta por Guillerme Vázquez e os críticos ultiman candidatura
- A fractura entre UPG e "quintanistas" deixa aberta a Asemblea Nacional de maio
- E como será o “quintanismo” sen Quintana?
- Beiras exhorta á militancia a coller o temón do BNG
- Movemento pola base abandona o BNG para crear unha alternativa soberanista e de esquerdas
- 2.500 delegados escollerán o vindeiro 10 de maio a nova dirección do BNG
- Os diferentes sectores do BNG comezan a poñer as cartas boca arriba
- Os diferentes sectores do BNG comezan os primeiros contactos para abordar a crise
- Beiras peta enriba da mesa: “Hai que refundar o BNG”
- Beiras peta enriba da mesa: “Hai que refundar o BNG”
- A UPG e o “quintanismo” intentan contemporizar unha crise interna logo dos malos resultados
- O BNG anuncia un proceso interno de reflexión do que sairá un novo liderado
Comentarios (85)
Manifesto MAIS ALÁ! - Por un cambio de rumbo no nacionalismo galego:
http://mgs-galiza.org/?p=3
le e difunde!
E que tal se comeza sendo "mellor" o camiño do máis?
Non hai tempo pra parar a pensar! Dalle que non mira!
Agardemos polo ben do BNG, que despois de perder, a UPG se disolva definitivamente. Queremos un partido, non un chiringo pra colocar aos amighiños. Eu digo que prefiro a Quintana, pero despois de forzalo, queda Aymerich, non dou chimpos de ledicia, pero ca UPG iamos camiño do extraparlamentarismo.
Komun, ¿ti pensas que con declarar que o BNG é un só partido se consegue que desaparezan as diferencias de opinión que hai agora? O BNG non é un partido.
O BNG é unha coalición, guste ou non. O que pode pasar é que non poida continuar unido e acabe dividíndose en forzas electorais diferentes, cousa que non sería boa se se pode facer que esa coalición que é o BNG funcione mellor, mais se non é posible, haberá que ir cada un pola súa parte e tal vez crear un partido nacionalista de dereitas e outro -outros, realmente- de esquerdas. Porque de esquerdas xa os hai, aínda que na súa maior parte agora están dentro do BNG, quedando fóra forzas que ata o momento son abslutamente marxinais. De dereitas temos Terra Galega, que non sei se se pode chamar realmente nacionalista, e algúns que están dentro do BNG que son máis ben conservadores.
O mellor sería manter o BNG, mais un BNG moi diferente do teu ta admirado Quintana, que nin defende ben a lingua porque el mesmo non se molesta en falala dignamente nin se molesta en facer que os cargos públicos do BNG o fagan nin na TVG nin en ningún sitio, por moitos proxectos de "galescolas" que tivesen, nin fixo unha política nacionalista que se diferenciase moito da do PSOE, e tamén no terreo social o seu esquerdismo foi tan descafeinado que non se diferenciaba doutras forzas non nacionalistas ou chamadas de esquerdas. Por ese camiño non imos a ningunha parte.
Póñanse dirixentes dignos no BNG, e non paspáns como o "Quin".
¿A decisión é dos militantes ou dos delegados, sr Aymerich?
E, canto cargo público: ¿escoitaron eses cargos públicos á militancia estes anos?
Non resulta crible, síntollo moito.
Ora, que debate aceso! Discutamos com argumentos sólidos, por favor.
1. Aymerich leva toda a razäo quando diz que o BNG näo pode ficar na interinidade (ergo guerra civil) durante um ano e meio, até à seguinte assembleia.
2. Aymerich é uma pessoa de esquerdas sem complexos, näo como o desideologizado do Quintana.
3. A base militante decidirá näo apenas no plenário nacional, mas também nas assembleias comarcais. É isso que disse o Aymerich: por favor, leiam atentamente antes de carregar os fuzis. ;)
4. Acho óptimo que Aymerich defenda a presença de (pelo menos) três listas na Assembleia Nacional. Isso impedirá que a UPG tente manobrar para lograr um acordo nas altas esferas, caso a votaçäo comarcal näo lhes seja favorável.
5. Näo diziam os irmandinhos que Táboas estava com eles? Ou mudou de ideia, ou näo entendo nada.
Se as alternativas forem as conhecidas até agora, na minha comarca votarei pela lista crítica, que é a de Aymerich. Beiras, apesar de ser assim qualificado neste e noutros meios, näo representa a mudança, mas a permanência: a permanência do enfrontamento interno, a permanência da estrutura de poder reservada aos partidos e a permanência dos incompetentes e/ou traidores, sempre que sejam seus amiguinhos (Mário, Alexandre, Martinho, Trigo) ou aliados de conveniencia (Telho, Alberte). Isso sim, em nome da militância independente. ;)
O único que presta dessa lista é o próprio Beiras e sobretudo o Camilo. E näo têm exactamente o perfil dum "relevo".
O "relevo" ten que ser para os que o fan mal, non para os que son máis ou menos vellos.
O "relevo" de Beiras por Quintana foi para empeorar.
Camilo Nogueira non é un rapaz, mais si que é un "relevo" porque nunca gobernou o BNG.
Camilo Nogueira e Beiras, e incluso Aymerich, son mellores que o desideoloxizado (como di descrente) Quintana. Mellor que Quintana é praticamente calquera.
Estes de"máis BNG" non son os que deixaron a cousa en 12 deputados?
son a única que sinte absoluta vergoña allea cando olla para a fotografía que ilustra a notícia?
Plataforma 'Máis BNG: o cambio necesario'
...está a chegar o 18 de abril.
NOVA OFICINA DE COLOCACIÓN.
#11 Almexa, sintes vergoña allea vendo a fotografía que ilustra esta nova?
E por que sintes vergoña exactamente? Por ver as alcaldesas e alcaldes que ten o BNG, ou por ver os votos para o BNG que subimos estas alcaldesas/alcaldes nestes concellos onde gobernamos?
#9, non, os que deixaron a cousa en 12 foron os votantes, pero diso mellor deben de saber os da UPG, porque deses 12 teñen maioria...
Plataformas BNG:
Máis BNG.
Conta con PNG-PG, ESG e independentes.
Alternativa pola Unidade.
Conta con UPG e independentes.
Encontro Irmandiño.
Conta con independentes.
Si os Delegados foran maioría independentes, no hai quén poda saber por onde salirán.
Na Asamblea terán a decisión nas suas mans.
#16 MaisBNG também conta com Inzar. E Encontro Irmandinho também conta com Esquerda Nacionalista. De facto, o único colectivo que ainda näo definiu o seu apoio é o Movemento Galego ao Socialismo, que provavelmente fará lista própria, sempre que isso näo ponha em risco o pacto com a UPG para repartir os postos na CIG.
E sim, oxalá que os independentes sejamos decisivos. E que nos convençam com propostas de futuro, se querem o nosso apoio.
Grazas Suso Vega, menos mal que aínda queda xente agradecida coma ti que despois de recibir 44000 euros ao ano (máis ou menos)durante os 4 anos que durou o governo por asesorar ao noso amado líder Quin, agora, despois de deixalo a veranear na mesa do Parlamento, disposte a apuntarte á lista do novo líder. É de ben nacidos ser agradecidos.
Ah! O teu asesoramento debeu ser bo, os resultados da política do governo de EspartaQuín confirman a túa valía. De novo, grazas.
Imos debullar moi por riba este comunicado:
1. Varios "militantes independentes" presentaron acabada de crear plataforma Máis BNG: o cambio necesario. Unha morea de alcaldes e alcaldesas, do BNG; militantes de Galiza Nova; do Espazo Socialista (ESG), de Inzar; e do PNG, xuntáronse nun hotel en Compostela.
Unha preguntiña,quen financia esta plataforma?, Quen paga esta posta en escena?.
2. Unha plataforma formada por homes e mulleres do BNG, militantes independentes que lle queren ao partido e confían na súa vixencia"
Querenlle ao "partido".-O de quererlle, moi profundo, moito de sentimento, á fin demagóxia e polo de agora o BNG é unha fronte.
3. Agardar ao 19 de maio, cando serán a militancia e os delegados "os que decidan quen é o mellor Voceiro Nacional e cal é o mellor proxecto para esta organización".
cando serán a militancia e os delegados.- Agora hai outro chanzo na organización (chamados delegados) amais da militancia.
os que decidan quen é o mellor Voceiro Nacional e cal é o mellor proxecto para esta organización.- Será o que voten e queiran os que acudan ao Plenario, sexa cal sexa o que do congreso saia (proxecto-portavoz)non se poderá cualificar coma mellor atá pasado un tempo e mirar resultados (e non só en clave eleitoral).
4. Poñer de líder a non se sabe quen. Non comparto estas expresións, levan implícito desprezo e soberbia ao outro.
Abonda polo de agora.
Como e posible que o PP subixe en 10.000 afiliados en 3 anos e medio na oposición(ten preto de 100.000), i o BNG so ten 9.000, e apenas subiu en afiliados durante esta etapa de goberno. Que pasa que é unha secta con pedigri. Que pasa que para poder aceder, non vale ter agarimo por Galiza i ser nacionalista, que foi responsable deste fiasco, dimisions xa. È para os da UPG, haber si vaixades do planeta marte, deveriades falar con algun cubano i lle preguntades como se vive en cuba, como funcionan as cousas, que libertades teñen,quen asdence no status social i quen non, e porque se sube e por que non se sube, por que vos aseguro que vos levariades unha sorpresa.Comunistas e UPG fora do BNG facedes moito mal a todo o nacionalismo galego.
¿Nós militantes de base......,está o millor valor do BNG?. É verdade, pero mentras se limite o número de militantes por causa dos delegados, as, a ASEMBLEA de maio, non hai "millor valor".
Errades en algo tan vital, coma é, AFASTAR, ALONXAR..... a maioría da militancia.
Así, penso eu, que non, camiñaredes ben..
É compañeiro e merece todo o respecto. Todos os que nesa foto están son cargos institucionais, o Quintanismo é unha corrente que nace dende o poder é autocomplacéncia. Aymerich, representa o continuismo de Quintana repetir os mesmos erros, abandono e deterioro da organización, mensaxe blando e rexionalista, é o gusto polo poder. Os mesmos erros de xestión da Xunta cao PP.
Se Quintana segue a marcar o percorrido dos poucos Alcaldes que temos, seguiran o seu camiño. Estes son os mesmos culpais de que militantes históricos se foran e mudaran por "militantes" que viñan ocupar un carguiño na Xunta.
Aymerich é continuismo de Quintana.
E a Beiras, nada, que sega a ir a Coz de Galicia a falar mal dos seus "compañeiros".
#7, "Se as alternativas forem as conhecidas até agora, na minha comarca votarei pela lista crítica, que é a de Aymerich"
Lista crítica? A lista do quintanismo, que inclue polo que se vê tanta gente que estivo (ou está) em cargos de responsabilidade em conselherias, alcaldias, no Parlamento, de assessor*s, de delegad*s... essa lista é crítica? E que é o que critica? Porque como não seja auto-crítica...
Que não se me entenda mal: Aymerich parece-me um político preparado, capaz e um bom orador, claramente melhor porta-voz do que foi Quintana. E a gente que sae nas fotos parece-me em geral válida (ainda não concordando necessariamente com as suas ideias). Mas uma cousa não quita a outra: o que não se pode fazer é ostentar tantas responsabilidades institucionais durante estes anos (com resultados claramente melhoráveis, estaremos de acordo), e agora pretender ao mesmo tempo: (1) que se fijo todo bem, (2) que hai que cambiar, e (3) que eles são os mais qualificados para isso.
Ou uma cousa ou outra, mas todo ao mesmo tempo, não.
Aymerich é xove e intelixente. O seu parlamentarismo ácedo igual era máis para un segundo que dera caña, a cara menos amábel para entendernos, que para un líder. Mais eu persoalmente deséxolle o mellor. Só que se presente é unha boa nova para o BNG.
amoscaesquerdosa, bates muito certo, daí os votos negativos para o teu comentário.
O destino do BNG semelha ser coisa de fé, e o único que fazem as velhas beatas que dizem ser galeguistas é acender velas e sacar novos e velhos santos em processão.
Uns aguardam pela chegada do novo mesias, outros dizem tê-lo já. Todos com o rosário na mão entre salmos, oratórias e profecias.
Há cismas, herejes, mártires e para maio um conclave importante.
O passado 1 de Março, chegou um dos jinetes do Apocalipse. Não vem a cavalo, vem em C-15.
E o remorso dos reços das velhas ecoa cada vez mais fortes nos ábsides do BNG...
Mas os ateus (aqueles que não foram a misa o 1M) renegam dos mesias e pidem ASSEMBLEIA! berram DEBATE DE IDEIAS! e com o materialismo dialéctico que sempre tivemos os galegos pide a SÍNTESE de ideias que leve ao bloco novamente ao governo. Governo, nunca mais desgoverno.
Basteira, ¿será que o Carlos Aymerich é o Pepiño Blanco ou o Alfonso Guerra do BNG?
De ter o que há que ter, antes da assembleia de maio, em cada comarca deberiais celebrar assembleias, explicar posturas, falar abertamente dos problemas (da Reganosa, do PGOM, do eólico, do preço do leite e da língua das matemáticas) e INVOLUCRAR nestes debates aos interesados, informar e escutar, para ser um partido que governe para o povo e com o povo.
De ser minimamente inteligentes, esta crise pode ser rentabilizada para pôr os problemas na actualidade (a do bar, que pode mais que a TV ou La Voz) e conectar com quem vota ao PP ou PSOE, mas não por ideologia. Ideologia e pedagogia, senhores. Sois um partido de funcionários burócratas. Baixai-vos ao povo.
Informai a cada militante de ABSOLUTAMENTE TODO, para que o delegado vote o que tenha que votar, e se eliminem as assembleias búlgaras para sempre.
Transparência!!!!
Ou continuai nas catacumbas a conspirar na eleição do novo papa, que será igual que o velho, porlosiglosdelosiglosamen.
#25 Sr_J, tens muita razäo no que dizes. Mas considero que Aymerich, uma vez desligado do pacto/tutela da UPG (e nada melhor para näo cair na tentaçäo de novos pactos do que uma confrontaçäo pública como a que está já a ocorrer), näo hesitará em aplicar mudanças importantes no BNG.
Obviamente, Guilherme Vasques representa o continuismo puro e simples, pelo que nenhuma renovaçäo se pode esperar dele. E quanto a Beiras, reitero o que disse em #7. E acrescento: agora defende a militância independente e jura que näo vai pactar. E pregunto-me eu, desde a minha ingenuidade: por que pactou na última assembleia para ter presença na Executiva? estaria disposto a fazê-lo novamente? Acho que säo algumas das (muitas) perguntas que Beiras ainda näo respondeu.
A Aymerich a Táboas "le pone"? en todo caso Torero!!! (Meu Deus non aprenderon nadiña de "eu tamén son") lebrándesvos?
A verdade é que non está a acontecer nada que non se previra.
1. Os cargos acomodados queren consolidarse nunha candidatura e preservar o sistema de delegados, que foi o que levou ao BNG ao declive.
2. Os satélites dos cargos acomodados ou que ven peligrar o seu asento intentan maquillar a demanda de renovación con un par de slogans pero valeiros de contido.
3. A UPG segue na nube, e non sabe cómo sair ben parado desta e coloca ao monicreque de Guillerme, que non sabe dicir dúas frases seguidas con sentido. Ou non teñen a ninguén mellor, que tampouco sería de extrañar, ou queren queimalo para negociar con el, que sabendo "como se las gasta" o maquilavélico Paco, é a explicación que máis me convence.
4. Os que non queren que nada cambie critican a Beiras por pactar antes do 1 de marzo, pero obviar intencionadamente mencionar que o fixo sempre desde a crítica e a protesta, rexeitando desde o primeiro momento o sistema de delegados. E aos que critican que falara nos medios e non no seo do partido habería que lembrarlles que se cansou de falar coas paredes no seo do partido. Desde logo que Beiras é o pasado, e estaría xubilado e tocando o piano na súa casa se as cousas se fixeran doutro xeito. Utilizou a súa imaxe pública para unha vez máis axitar as masas animándoos a que reclamen o asamblearismo que levou ao BNG aos seus tempos de gloria, do que el é o primeiro testigo. Non creo que teña moita ganas de marcha, máis sospeito que ten mágoa de que se afunda o barco que el levou a bo porto e ao teito eleitoral do BNG en Galiza.
Que os alcaldes independentes apoien a un candidato independente que ten presa en ser nomeado "caesar" do nacionalismo por medio dunha corte de delegados, non me ofrece garantías.
O único que me ofrece garantía e o retorno ao asemblearismo e levar a cabo unha reflexión interna cun portavoz de transición.
Hai moito que debatir e falar no seo do BNG, e con Aymerich aferránose ao seu cargo, véxoo inviable.
Fagamos as cousas ben. Pero para iso non se poden ter presas.
Se non fose que o BNG, como resultado da dirección política da UPG e Quinigá, está nunha encrucillada na que se xoga a súa propia supervivencia, sería para rir a cachón velos agora co “Máis BNG” e coa “Alternativa pola Unidade”. Desuniron ao BNG até onde cumpriu con tal de manter o control, conseguiron “menos BNG” na sociedade galega elección tras elección e aínda lles parece pouco con tal de conservar non se sabe que postiños.
Facendo memoria so lembro que á hora de facer as candidaturas para as autonómicas rivalizaban por ver quen metía máis dos seus no Parlamento, pero no esencial, coincidían en excluír ao 40% do BNG que formabamos a “minoría”, para o que non tiñan dúbida algunha, e importándolles pouco ou nada cantos ía meter o BNG no Parlamento Galego. Agora van pelexar por ver que ten mais cota no Consello Nacional para repartirse os cargos do BNG.
Tamén no uso patrimonial e exclusivo do censo de militantes están de acordo e néganllo a calquera outro que o pida
#32 Atinada análise, maruxainanacorte. A respeito da dúvida que formulas no ponto 3, tenho poucas dúvidas de que a UPG pom a Guillerme para sacrificá-lo nas negociações que prevem ter com o post-quintanismo. "Vale, nós renunciamos a que Guillerme seja porta-voz e a câmbio seguimos controlando a organização". Porque si que teriam melhores candidatos/as que apresentar, mas o que lhes importa não é quem seja o cabeça visível.
Iso quería dicir, xeonllo, por ahi ía eu.
olangullo #24 dixo:E a Beiras, nada, que sega a ir a Coz de Galicia a falar mal dos seus "compañeiros".
Como chamarlle a isto?:
CRÓNICA política | el futuro del bng, Coz de Galicia domingo 12 abril 2009: La segunda aniquilación de Beiras
http://www.lavozdegalicia.es/g...
#27, mceleiro, na teoloxía da liberación (a de Chávez, que comparte mesianismo con materialismo histórico benjaminianamente), a entrada do tempo mesíanico é o tempo da revolución e é unha tarefa colectiva. Eu tamén estou polas asembleas abertas. E teño fe nelas. Esperemos que está fe mova montañas e entre todos consigámolo.
E que programa postula esta nova Plataforma?
Cando no Quiniga non forón capaz de definir unha alternativa programática. "non somos nin corrente" decian.
O referente da esquerda europea está hoxe en Alemaña, subindo coma a escuma. Chámase Die Linke (A Esquerda). O seu lider, ex do PSD, Oskar Lafontaine sabe de que vai a cousa: "As decisións encol dos grandes principios do noso programa deben de ser tomadas polo conxunto dos militantes do partido, e non só por unha asemblea de delegados". http://www.galicia-hoxe...
Abride as xanelas, as fiestras, a toda a militancia............., que entre o vento fresco.......para renovar o BNG.
Cos delegados, as.......non vai a acontecer isto, o vento vai a seguer CONTAMINADO.
¿Non vos dades conta?.
O BNG vai á deriva..., pero aqui o que prima polo visto é que os de sempre seguan á fronte, non polo ben de Galiza, senón polo seu beneficio persoal. UPG e ""beiristas"" (iso existe?) xogan xuntos, non han permitir o regreso de Beiras, nin un novo protagonismo de Camilo Nogueira, non porque crean que é mao para o país, senón porque sería mao para eles.
Por outra banda, existe un grande grande oco de galeguistas de centro-dereita que xamais votarán aos ""roxos"" (cada vez menos..) -para eles sería imperdoabel...- do BNG, en termos NACIONAIS, esta xente, a maioría galegofalante, están tan politizados que votan ao PP sinxelamente por ser "de dereitas", o gran reto do nacionalismo galego debe ser abrirse cun novo partido nacional ou varios cara ese centro-dereita, porque iso ocorre nun país normal, Euskadi e Cataluña, mesmo España son paises nos que isto ocorre, porque non habia ocorrer na Galiza?, sen isto, Galiza xamais será liberada.
onde pon beiristas, queria poñer quiniguistas.
Eu non sei como andades poñendo enlaces da Voz. ¿Tanto vos gusta? ¿Queredes que a leamos quen non queremos lela nin por internet? ¿Teñen algo que aportar aparte do veneno habitual? ¿Non tedes outro xornal para ler? ¿Non sabedes que cantas máis visitas teñan máis cobran por publicidade? Non sei que me da que hai moito suscriptor aquí, que bota pestes deles pero ábrelles cada día a porta da súa casa.
Eu propoño o mando para o partido popular de xudea, en contraposicion co partido xudaico popular, que ao contrario do frente liberador de xudea non opinan o mesmo que a liga xudaica popular,... joder isto parece "a vida de Brian" un partido para cada un, todos somos uns fenómenos.
Fai falla autocrítica, pero comezar por nós mesmos, e máis unión, coño, máis unión. O importante non somos nós, nen sequera este intre, o importante é Galiza, e o intre en que este país sexa o que ten que ser, que iso nos move a todos (penso)
Eurico:
A xente de dereitas non di "roxos" senón "rojos", mais se o dicimos en galego ten que ser VERMELLOS, xa que "roxo" é outra cousa, algo similar a "rubio".
Aínda que no concello de Santiago, no comité executivo do BNG e no comité central da UPG aínda non saben iso e teñen unha praza en Santiago co nome de "Praza Roxa", cando evidentemente non querían dicir praza rubia.
Apoio a pluralidade de propostas no BNG e apoio a candidatura de Carlos Aymerich.
Xeonllo #45:
Concordo contigo em que em Galego é "vermelha/o", e não "roxa/o", mas "roxa" (vid. "Praza Roxa") não é sinónimo de "rubia". A Praça de Compostela é verdadeiramente a Praça Vermelha, mas "roxa/o" serve para caraterizar as cousas de cor violácea, e não de cor "rubia", como escreves, ao sugerires que não pode ser "Praza Roxa" pois não é uma praça "rubia". A Praça de Compostela nem é "roxa" nem "rubia" (ruiva), nem ruça ("ruza" na grafia isolacionista) mas vermelha.
Grato pola atenção, saúde e reflexão, política e linguística.
Ser Portavoz do BNG non significa ser Secretario Xeral. O Portavoz é a voz do Consello Nacional, non a súa propia, por iso o posto debe ser ocupado por una persoa que sepa escoitar e transmitir o dito por aquel órgano colexiado, verdadeiro órgano decisorio do BNG. Alguén pode crer que esa persoa pode ser esta: http://www.youtube.com/watch?v...
Para o caso dá igual, Xavier. Eles querían darlle a esa praza o nome que en castelán é PLAZA ROJA, e traduciron ao galego PRAZA ROXA, mais o peor non é iso senón o feito de tela alí sen rectificar dende hai non sei se 30 anos xa. O que non pode ser é que non queiran darse de conta, que sexan tan incompetentes ou tan hipócritas de manteren iso así, porque o que están a facer é contribuír á máis burda castelanización do galego, participar nese proceso que se está a dar cada vez con máis forza e que ameaza con acabar co idioma de Galiza.
E eu non dixen que "roxo" fose sinónimo "rubio"; o que dixen é que é algo similar. No diccionario de Xerais di que é entre vermello e amarelo, tirando a castaño, e moitas veces, referido ao pelo, é algo así como tirando a castaño ou medio rubio, ou o que en castelán é "pelirrojo".
En calquera caso, o que ROXO non é é o castelán ROJO. E os do concello de Santiago, igual que os sesudos nacionalistas da UPG e do BNG, eses que din querer normalizar o galego e loitar contra a apisonadora do castelán, tamén parecen non darse por enteirados dende hai 30 anos. Esa é a tendencia "posmoderna" que manda no BNG e que é hexemónica no nacionalismo de hoxe, a tendencia castrapista, personificada nos que levaron o goberno bipartito ao desastre e que fan que o nacionalismo descenda en votos e representación nos concellos de Galiza en xeral e que descenda a conciencia galeguista na xente.
Ao final convertiuse isto nun debate filolóxico polo visto :), Xeonllo estamos dacordo en que "roxo" por vermello, é unha castelanización, sen embargo o termo "os roxos" era tamén empregado para falar dos "rojos", mal empregado evidentemente, pero por iso o coloquei entre "", para saber que nos referiamos aos opositores do xeneralisimo...
Os da U non teñen nin o valor nin a sinceridade de se presentar coas súas propias siglas: menudo partido¡¡¡¡ E
como din por aí, utilizan ao Guilleme como parapeto por se levan unha pequena ostia, como levan utilizando a medio bloque, para xustificar que eles..."pasaban por aí"...
Eu acredito cos argumentos de maruxaincorte, so, nothing else to report.
Xeonllo, en galego si que se di "roxo" ou "os roxos" prá denominar á xente de esquerda. Se é etimolóxico ou non xa non me meto, pro dicir dise, e non "rojos", entre galegos falantes contemporáneos da época na que posiblemente apareceu a palabra con ese significado, probablemente a través do castelán durante a II República e a Guerra.
Dicionário Estaviz:
Roxo adj. (1) Ruivo. (2) Que tem o cabelo ruivo. (3) Ruivo com marjas. (4) Encarnado. (5) Amarelado. (6) Que é da cor da violeta. (7) Fervente: já está roxa a água [lat. russeu].
Dicionário Priberam:
roxo (ô) adj. 1. Que é da cor da violeta. 2. Purpureado. 3. Ant. Vermelho. 4. Bras. Fam. Desejoso, ansioso. 5. Exagerado, desmedido. s. m. 6. A cor roxa. 7. Pleb. Vinho tinto.
Na Galiza a diferença entre roxo e vermelho é a vivacidade da cor, já seja tirando a amarelo ou a violeta, acima do tom.
Quanto ao significado político, o termo despezativo traduzido do castelhano dos fascistas foi relacionado pela gente do comum pela cor do inferno (roxar o forno) e pelos gerrilheiros com o lume e a paixão, virando esse significado negativo. Referente á cor da bandeira comunista e o uso mais culto, predominou o termo vermelho.
A Praça Vermelha de ser Praça Roxa, acenderia os ânimos de muitos...nas duas visões.
Bertus:
En galego dinse moitas estupideces e métese moito castelanismo. Fálase mal demasiadas veces. Roxo en galego non é a color da bandeira comunista ou socialista. Non. Iso é falar mal. Esa cor é vermella, non roxa. Os portugueses din tamén vermella. Os vermellos son os "rojos" en español. Poñer Praza Roxa e mantelo anos e anos é unha mestura de ignorancia, estupidez, falta de ganas de normalizar o galego e incluso vontade alevosa de castelanizar.
Acabamos de publicar no noso blog http://renovarobng.blogaliza.o... os resultados da primeira enquisa sobre preferencias de candidaturas á Asemblea Nacional do BNG. A candidatura de Beiras gaña na votación total e entre os non militantes, mentres que a de Aymerich se impón entre os militantes e entre os posibles delegados. Podedes ver no blog os resultados completos.
Saúdos.
Xeonllo, efectivamente, a color da bandeira é vermella, mais aínda que teña aí a súa etimoloxía a palabra, é con outro significado co que se emprega “roxo” en galego e non se refire a unha cor (anque teña que ver, insisto, coa etimoloxía que é cousa distinta do significado) senón a unha tendencia política dun individuo social ou persoal. “Vermelho” con ese significado no portugués non existe (non vén no Dicionario da Academia das Ciências de Lisboa), polo tanto, semella que usar “vermello” con ese significado non deixaría de ser un castelanismo, con máis pureza etimolóxica ou o que queiras pro cun uso claro que reflicte o influxo do castelán. Se o feito de que os primeiros galego falantes que usaron ese castelanismo foi sempre co termo “roxo” e non “vermello” é unha estupidez a non ter en conta pois ti saberás. A normativa oficial, no só a AGAL, postula “vermello” e haberá que dicir vermello, mais con ese significado díxose en galego sempre “roxo” e nunca “vermello” desde a mesma orixe. Ou polo menos toda a xente que coñecín e coñezo desa época di así, aínda que tamén empregue vermello pra referir á cor.
Pero en fin, eu tamén estou polas asembleas abertas. Penso que as outras dúas listaxes só se distinguen na cuestión dos nomes.
E posiblemente a palabra teña unha orixe estigmatizante e fora xerada desde a dereita, mais despois foi asumida tamén pola esquerda.
A palabra non é correcta en galego. Claro que é asumida por moita xente que fala castrapo, como son asumidas AHORA, ENTONCES, SARTÉN, SUELO, VAMOS A + infinitivo, e un longo etc.
Niso son expertos case todos os políticos, incluídos os do BNG. Pero, iso si, todos queren "normalizar"... un dialecto do castelán.
Dise ROXO referido a unha tendencia política porque falando galego en xeral case se perdeu VERMELLO, non por outra cousa. Polo castelanismo de sempre. A este paso, fin do galego a un prazo non moi longo.
Fin total do galego a prazo medio. O de ROXO é que nin sequera iso. A tendencia é dicir directamente ROJO.
A palabra "vermello" non se oe en ningún contexto, xa parece perdida, mais non máis perdida no sentido político que noutros, e ese é o fondo do asunto.
Xeonllo, tes razón no que dis de que o galego se está a deturpar pola presión de moitos castelanismos que inda non se usaban nin na posguerra, mais non é o caso de "roxo" con ese significado de, digamos, “esquerdoso”. O que eu digo é que con ese significado, posiblemente, se empregue "roxo" dende a mesma orixe (do castelán supoñemos). E “roxo” xa era unha palabra galega e moi perta, en canto a significado, de vermello. Xente que usa vermello, ou inda que xa non o use lembre o seu uso, non che di que se usou "roxo" con ese significado de "esquerdoso", porque con ese significado é probable que nunca se usase "vermello". Mais se a norma AGAL e a RAG recomendan "vermello" para esa acepción terán as súas razóns. Comprobo que nin en catalán “vermell” nin en castelán “bermellón” teñan esa acepción.
Hai que darlle logo vivacidade á cor que como dis anda ultimamente descolorada.
Corrixo: *non che di que NON se usou "roxo" (E NON “ROJO”) con ese significado de "esquerdoso”
Boh, não sei pra que tanto debater sobre roxo ou vermelho...se total agora a esquerda é cor-de-rosa...
Si a praza chamouse roxa (que no no sei) popularmente (oficialmente era Praza de Jose Antonio) por ser o lugar das manifestacios e demostracios revolucioarias e neste senso en paralelismo a existente en Moscú, decir que creo mais axeitado chamarlle roxa que vermella pois tampouco o nome de aquela (a Rusa) fai referncia a cor vermella, se non a sua fermosura si realmente queremos ser puristas e si o nome se debe a ise paralelismo entón teriamos que chamala praza bonitiña.( Pero é un pouco cursi igual que o purismo levado o extremo).
Tranqui, paréceme de coña que digas iso. Chamábase Plaza de José Antonio, e polo feito de facérense alí moitas manifestacións antifranquistas popularmente comezou a chamárselle "plaza roja", o cal en galego é PRAZA VERMELLA e non PRAZA "ROXA", como lle puxeron os do concello, tan galeguistas eles.
Non creo que digas en serio que o que se pretendía era chamarlle "praza bonita". Era "vermella", "roja" en castelán, pola cuestión política. Iso é evidente.
O que digo e que a plaza "Roja" rusa, o "roja" non ven da cor senon da verba (en ruso, que non sei) fermosa. O nome era praza fermosa (crasive) unha verba similar a que designa a cor vermella e de ali derivou a "praza roja" de onde se toma o nome para a de Compostela, resumindo a praza roxa de Santiago non significa Praza "peliroja" e, casualidade, a orixinal tamén ven de un mal uso da liguaxe, a diferncia é que os rusos aceptano con naturalidade e nos en cambio (ainda que recoñecendoque a situación da nosa lingua moitas veces o esixe) as veces pasamosnos de puristas. O galego é unha lingua viva e sempre evolucionará, non perdamos as forzas en evitalo senon en conquerir que viva mil anos mais, Un saudo a todos, e en especial a ti, Xeonllo (o que mais me gusta destas comentarios é que nunca sabes do que vas a rematar falando, sexa cal sexa a nova.)
Semelha que alguns ja esquezeron o "oxtión eleitoral" do 1 de Marzo. Polas fotos, polos textos... máis do mesmo. E polo tanto, máis desencanto na sociedade galega. Cando se decatarán de que continuan caminho abaixo?
A última! A cabeça de lista do Encontro Irmandinho n@s delegad@s da Comarca de Compostela vai ser Lídia Senra! A "grande feminista" que botou à rúa à advogada do Sindicato Labrego Galego em Lugo por ser "conxuxe ou análoga" de um advogado da CIG, para substitui-la por umha advogada de Comisiones Obreras de Vilalba, Isabel Crende (isso si que é feminismo, e o demais som contos (o mesminho que em Iram, quando lapidam às mulheres polos "pecados" dos seus homes; isso si que é nacionalismo, contratar ao inimigo). Mas hai mais casos, como o do trabalhador do Sindicato Labrego em Compostela, que compatibiliza a sua liberaçom no SLG com outra ... em UGT!! Ademais, Lidia estivo facendo chamadas poucos dias antes das passadas eleiçons pedindo o voto em branco (segundo reconhecem várias testemunhas). Se esta é a alternativa para o BNG, vamos fodid@s!!
Ao cabo o único que querian montar no SLG é un grupo hippie, e é o que fixeron...pasando por encima de todo. Lamentábel desnorte minifundista....
Xeonllo disque non se pode dicir "praza rubia" porque rubio é sinónimo de roxo en galego e non denominaría algo coma a cor dunha bandeira, mais o topónimo "Parderrubias" ten o seu étimo en "pedras rubias". Eu pregunto: se unha pedra pode ser rubia (1 adx Que é de cor vermella ou encarnada. Tm s m, referido a cor. Ir indo) por que non unha bandeira?
En todo caso, esta discusión non é a clásica e manida entre a norma RAG e a AGAL nin entre o portugués padrón (que non recoñece esa acepción de "vermelho").
observator: o problema é que o enfoque que lle dades ao asunto algúns é ver un problema onde o principal son os nomes, cando o esencial é se se quere unha asemblea aberta á militancia toda ou unha asemblea por delegados.
A alternativa ao BNG quérena moitos de esquerda. Foi moi triste ver onte en "Hai debate" a Olaia Fernández como compadreaba co do PP polo asunto do plan de Boloña. É normal que militancia do BNG se sinta decepcionada.
E en galego dise "os roxos" e non "os rojos". Que agora se empre moito o castelanismo "rojo" non deslexitma a "roxo", que aínda se usa e nomeadamente con esa acepción de "esquerdoso".
Non lle deamos tantas voltas: a cor da bandeira socialista e comunista é a cor coa que se designa os seguidores desa ou desas ideoloxías, e esa cor é en castelán ROJA e en galego VERMELLA. En castrapo, portuñol ou galeñol xa sabemos que é ROXA, mais a palabra "roxa" en galego é outra cousa.
Si, "roxo", en canto a cor é, principalmente, a cor do pelo. Pero esa non foi a pregunta que eu che fixen: a miña é referida a "rubia". Por que ti dixeches que non podía ser "praza rubia". O cal non está tan claro. Quizais o dixeches pensandoo dende o castelán, porque en castelán "rubio", só se di do pelo e do tabaco. Puros, puros... os abanos, pías, pías... as galiñas.
En canto a que "roxo" é un castelanismo coa acepción de "esquerdoso" non das un só contra-argumento aos que eu dou.
Porque vas ao étimo: a cor da bandeira, e eu xa dixen que non é o mesmo a etimoloxía dunha palabra co seu significado e uso.
Non pode ser praza rubia porque a razón de darlle ese nome era política, a idea era "roja", mal traducida ao galego por "roxa".
A non ser que se quixese decolorar para non parecer tan radical, e deixalo en "color naranja". Mais todos sabemos que esa non era a idea.
O malo do asunto é que se lle dá carácter oficial ao castrapo, a unha especie de castelán mal falado cando se pon unha placa así a unha rúa.
Veña! estou flipando coa deriva; deixade de fumar!!! Que terá que ver a nova co que falades? Isto e moito. Así nos vai, está ardendo o monte e poñemonos a discutir se as arbores son piñeiros ou castaños. Ben feito rapaces!!! Cannabis para tod@s no Sergas!!!
Xandaspipas (#77), ¿a ti paréceche unha cousa sen importancia a defensa da lingua?
¿Que che parecería que puxesen a unha rúa o nome de "Rúa da Carreteira" ou "Rúa do Conexo", por exemplo? ¿Así é como pretenden facer a "normalización" ligüística?
Serán castiñeiros, xandaspipas, e aínda que levas razón, vou facer outro comentario sobre o asunto neste intre no que me informan que nunha comarca moi dominada pola UPG e o quintanismo acábase de conseguir unha listaxe pra defender a asemblea aberta á militancia toda.
Ir Indo:
Vermello:
2 adx HIST/POLÍT Que é considerado politicamente revolucionario e máis especificamente militante socialista ou do movemento obreiro. Tm s.
Estraviz:
Vermelho adj.: (5) Fig. Comunista, marxista.
Claro, a razón é política. Por iso digo que, en tanto a ese significado nunha das súas acepcións da palabra, só ten que ver coa cor en canto á etimoloxía (castelá) da palabra. Mais a miña hipótese, que estaría encantado de que ma botaras abaixo, é que esta palabra con esa acepción política provén do castelán e talvez teña a súa raíz, como dis, na cor da bandeira, isto é, sendo a bandeira comunista de cor vermella, é dicir, “roja” en castelán, xérase o uso “rojo” para designar a unha persoa de esquerda. ¿O que ti dis é que no galego, para que a palabra “vermello” tomara esa acepción de “esquerdoso”, se produciu un proceso análogo ao que supuxo a xeración da mesma acepción de “rojo” en castelán, non se producindo no “vermelho” portugués nin no “vermell” catalán?
Eu digo, en troques, que “roxo” non é un castelanismo da mesma orde nesa acepción política ca dicir “roxo” para designar mal á cor vermella dunha bandeira ou “rubio” pra designar a un louro. Ademais, a miña hipótese é que usar “vermello” con esa acepción política é tamén un castelanismo. Tamén doutra orde moi distinta á de dicir “pueblo” pra denominar “vila” ou “roxo” pra designar a cor vermella dunha bandeira.
Parece que “rubia” tende cara o encarnado, polo tanto, como dis, vermello descolorado, mais unha súa acepción di: “encarnado ou vermello”, por iso será un “ ou vermello” cun outro matiz ao da bandeira comunista.
O de "castaños" era "sarcasmo", sintoo.
Bertus:
Estás equivocado. O que en castelán é ROJO con sentido POLÍTICO tamén o é o inglés RED. Eu coido que iso é en todos os idiomas. E tamén en portugués. En portugués, "os vermelhos" son os comunistas ou socialistas, igual que en castelán.
Mira estes enlaces:
http://educaterra.terra.com.br...
http://cafehistoria.ning.com/p...
http://christianrocha.wordpres...
http://www.vermelho.org.br/bas...
http://ephemerajpp.wordpress.c...
canteino o outro día, parafraseando a carlos puebla en autos de uso, e non conseguín grandes adesións á melodía. vóuno cantar de novo, a ver si alguén se apunta:
mr aymerich no es carpintero, mecánico ni pintor...
no es más que otro funcionario
mr ford.
Xeonllo, agora que creo que a noticia xa non está na páxina principal e non molestamos a ninguén, comento:
No Diccionario da Língua Portuguesa das Ciências de Lisboa non vén esa acepción, pro vexo que si se usa. É probable que Salazar, coma Franco, contribuíse a súa difusión, mais non sei se en Portugal adquiriu todas as connotacións ca en Galicia. Tampouco no Dicionari de la Llengua Catalana (Pompeu Fabra) aparece “vermell” coesa acepción. En inglés tampouco vexo que “red” leve esa acepción nos dicionarios da rede. Certo que tamén se usa, como tamén para referir a un equipo de fútbol. Mais tampouco sei se a palabra adquiriría tanta difusión e teña as mesmas connotacións semánticas cas que en Galicia xerou durante o franquismo a palabra “roxo” en galego (castelanismo si, pero non “rojo”) con esa acepción política. Non é probable que estea tan vinculada á de “masón”.
Poida que veña do ruso.
Ás veces, en prol da pureza, cámbianse palabras por outras que se perderon. E paréceme ben. E outras trócanse por unhas que quizais nunca se dixeron (como penso que é o caso de “vermello” con esa acepción, anque tampouco o aseguro: falo de xente que aínda di “roxo” con esa acepción e outras como “coitelo”). E talvez non sexa malo en moitos casos, mais, coido que, como simple amador ignorante algo temerario da lingua, hai que ter tino coas palabras que forman parte da memoria colectiva dun xeito importante e que amais aparecen na literatura galega (“roxo” aparece coa acepción política).
Vexo que no Xerais non aparece a acepción nin en “vermello” nin en “roxo”. Así como acentúa a sinonimia de “vermello” e “rubio”.
“Verde”, en troques, si aparece coa acepción política, amais nos citados dicionarios do catalán, portugués e inglés.
Por certo, como curiosidade, “red” dise en inglés en referencia ao viño “tinto”, que en catalán din “negre”. Tamén cando en galego dicimos “porse rubio”, “ruborizarse”, en castelán tamén se di “ponerse rojo”.
No blog http://renovarobng.blogaliza.o... están disponibles os resultados dunha nova enquisa sobre a Asemblea do BNG, máis abranxente que a primeira.
Saúdos.
Novo comentario
Se xa tes o teu nome en Vieiros, podes acceder dende aquí:
-
A CIG destapa a existencia de tratos de favor a empresas vinculadas ao PPdeG
Edición xeral
-
Luz verde á Lei Ómnibus co 'Non' do BNG, que pedía blindar as condicións laborais e garantir deberes lingüísticos
Edición xeral
-
"Que impere a razón", reclámalle Vázquez a Zapatero ao fío das caixas
Edición xeral
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto