Vieiros

Vieiros de meu Perfil


Galego.org

Xestionado por Vieiros
RSS de Galego.org
Polémica consulta

A enquisa da lingua no ensino pode custar 300 mil euros

A nacionalista Carme Adán criticou o escaso rigor da campaña do Goberno e o feito de que desatenda os problemas reais dos centros escolares.

Redacción - 19:30 17/06/2009

A consulta que está a desenvolver Educación sobre a lingua nos centros do ensino podería custar 300 mil euros. Segundo explicou a parlamentaria Carme Adán, esa enquisa non é "rigorosa" e asegurou que co seu custo poderíanse, por exemplo, asumir o custo dos arranxos en comedores de Vigo. Tamén criticou que a Xunta non dese aínda datos sobre ese "gasto real".

A deputada nacionalista tamén lamentou que se rompese o "consenso sobre a política lingüística" que existía dende 1993 e que pretendía continuar o anterior goberno co decreto do galego no ensino. Adán dixo "non entender por que se leva a cabo esta consulta" que nin é "científica nin rigorosa" e que chega xusto ao final do curso.

Segundo a parlamentaria, mentres as asociacións de nais e pais falan "dos temas importantes", como o comedor ou o transporte escolar "o PP non amosa nin a máis mínima sensibilidade". Tamén amosou a súa preocupación por como van ser custodiadas as enquisas, responsabilidade que recae sobre o profesorado.



4.11/5 (9 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: