É posible un pacto PP-BNG?
Animoume a escribir sobre este tema a lectura dun artigo ao mesmo respecto do diario de cabeceira de Xosé Luis Sucasas: “La Voz de Galicia”. Non sei se no futuro veremos esta posibilidade como algo máis que unha entelequia, mais penso que unha cultura democrática madura pódenos levar a ver ese esceario político na Galicia do futuro, con máis normalidade do que hoxe por hoxe semella ser posible.
Otero Pedrayo escribía hai anos un texto titulado “Pasado e futuro” no que literalmente facía referencia ao que eu considero un alicerce básico para o futuro próximo da política galega. Facía referencia o escritor galeguista ourensán a que "a carón do lume dibúxase a visión da Galiza do porvir. A raza nosa traballou a terra e ranselou o mar para algo máis que deixarse morrer cunha longa indiferenza suicida. O pasado preséntase como un empuxe cara os tempos novos. Así debemos pensar a historia galega: en función do porvir”. E eso é exactamete o que quero expresar: por riba de diferencias ideolóxicas para algúns insalvables, o fundamental, o realmente importante é o presente e o futuro desta bendita terra chamada Galicia.
Un documento aparecido na prensa hai poucos días falaba da extratexia interna do PPdeG, da necesidade de voltar ás súas orixes, ao compromiso galeguista que algúns cualifican máis ben de “populismo”, se ese é o camiño e o partido de Feijoo recoñece o erro de “españolizar” o seu discurso, alonxándose das necesidades desta terra, eu modestamente envíolle os meus parabéns ao autor ou autores de dito documento, sempre e cando, veña dunha análise coherente da realidade na que está a sociedade galega e das súas necesidades, máis que dun bastardo interese electoral. Teñan en conta que a pesares de estar na oposición, o PPdeG é a forza máis importante de Galicia non porque así o designen forzas místicas, senón porque é decisión democrática e soberana dos galegos cos seus votos. E aí é onde entran as posibilidades de pacto no futuro co BNG, intereses comúns con respecto aos plazos do AVE, dos dereitos desa potencia mundial que é a industria pesqueira galega, da cuota láctea, os problema do sector do mexilón, o reinvestimento nos nosos concellos da enerxía eólica, o finaciamento autonómico, esa “bomba” que sería a crise de Citroen en Galicia, en definitiva problemas a resolver entre tódalas forzas por riba de filias e de fobias persoais.
Certo que a un o separan do partido de Feijoo cuestións como a lingüística, ou o pouco afecto demostrado a algo tan necesario para a nosa competitividade como país como é un novo Estatuto de Autonomía, ou mesmo unha imáxe de subsidiariedade do españolismo madrileño, pero o prioritario deben ser os intereses dos galegos.
Agora mesmo temos en Galicia unha nova xeneración de políticos alonxados do enfrontamento clasista lóxico tras superar o réxime criminal do 18 de xullo do 36. Agora debemos ver con máis normalidade que un político da brillantez e do futuro de Quintana teña unha boa relación persoal con Feijoo, que moitísimos militantes do PPdeG vexan con bos ollos un pacto co BNG, e que moitos da organización frentista, por non decir cáseque todos prefiran todo aquelo que non sexa pactar cun PSdeG co que recoñecen entre bambalinas, rancores, desaxustes e controversias varias máis evidentes das que a prensa en xeral semella querer amosar.
Hai poucos días un dirixente socialista acusábame de non situarme nunha coordenadas claras diante do lector de VIEIROS. Eu aspiro a vivir nunha sociedade na que ninguén poida ser criticado con maldade por crer que o BNG debe xogar un papel fundamental no futuro de Galicia, incluso pactando cun PPdeG galeguista e ao mesmo tempo tendo todo o respecto do mundo cara Touriño polo simple feito de ser o Presidente de Galicia. A sociedade que non entenda como natural esa normalidade será unha sociedade enferma terminal.
Agardo que a devandita normalidade faga que aquela vella teoría económica do probable e do posible faga que nesta sociedade algún día vexa como posible, o que a día de hoxe é “probablemente improbable” que é o pacto…
Ou non…?
Comentarios (57)
Hoxe sae na contraportada de EL PROGRESO que Rosa Diez quere levar de número 1 da súa lista a Blanco Valdés e que o PPdeG anda tentando a Rafa Cuíña para encabezar a súa lista por Pontevedra. Seguramente é todo mentira ou unha filtración interesada de Madgalena Álvarez...
Vejo mais factivel o pacto PP-PSOE.
O PP galeguista? Paro de escrever um pouco enquanto me esmendrelho com a risa.
O PP non é un partido serio, senón un ente que cheira mal de arriba a abaixo, se os do BNG pactan con eles, que se olviden do meu voto polos séculos dos séculos.
"Certo que a un o separan do partido de Feijoo cuestións como a lingüística, ou o pouco afecto demostrado a algo tan necesario para a nosa competitividade como país como é un novo Estatuto de Autonomía, ou mesmo unha imáxe de subsidiariedade do españolismo madrileño, pero o prioritario deben ser os intereses dos galegos"
Cona, pero eses non son intereses prioritarios dos galegos? Entón, cales son?
Interesante reflexión. O problema ven que no PP hai duas almas -ou tres ou catro se me apuras-, existe un PP Galego nacido nas vilas, de caracter galeguista populista que podería estar con moita facilidade co Bloque ou incluso dentro -pensemos que dentro do BNG hai moito ex UCD galeguistas...-.
Sen embargo existe unha rancia de españolistas no PP, independentemente da idade -de Vigo, Coruña, en Santiago, que creen que son barrios de Madriz...- que non poderían facer nada co BNG, son "enimigos" que non andan nas mesmas coordenadas.
O incrible é que ese Pp non marche do actual... Se no PPdG gaña a tendencia galeguista -dificil- o pacto inclsuo sería moito mais levable que co Psoe, pero noutro caso é inviable.
#5 Nalgunhas cousas cousas dacordo. Sobre todo nas almas do PP, que Feijoo ten que temperar como pode, vexa-se aparición do ínclito en Intereconomía. Foi algo bochornoso.
Só aclarar unha cousa. Españolistas hai-nos en todas partes, que falen galego enxebre ou finolis castellano pois poderá servir para facer a distinción se se fai a análise dun xeito moi simple. Ou é que alguén pensa que se digo que o 80% (ou máis) do eleitorado nacionlaista nas cidades fala español...
Concordo con #5 alog, pero no BNG tamén un sector que penso que nunca pactaría co PP.
Alguén lembra a "pinza" PP-IU, nos tempos de Julio Anguita?.
Os resultados daquela pinza foron un desastre para EU do que nunca se recuperou. Que tome boa nota o BNG.
As veces quedámonos cegos na política galega, as bases do cambio na política galega están nun novo estatuto, se unha forza política non ten a capacidade de asumir un Estatuto para Galiza novo, moderno, cheo de dereitos como vai a ter a capacidade de chegar a acordos con outra forza que ten unha visión distinta de pais, é imposíbel.
Galiza era no ano 1986 unha potencia pesqueira, a entrada na UE supuxo a perda da xestión dos convenios de pesca polo Estado, pasou a xestionalos a UE. O remedio non é chorar polo que fomos, é poñerse a traballar polo futuro e o futuro non é solo o AVE e non sei que mais lerias, hai moitísimo por facer.
Primeiro cambiar os xeitos de facer que segue tendo a Administración autonómica que ten os mesmos vicios da era do PP. A pe de rúa non cambiou nada, todo segue igual.
O PPdeG segue tendo o voto da iñorancia no rural, se a sociedade galega fora moderna e culta non lles quedaria outro remedio que virar a sua politica. Canta xente le os programas dos partidos ou segue a politica galega, pouquiña. O final os votos do PPdeG son os da rede clientelar que aínda segue tendo no rural. O verdadeiramente incrible é que despois de mais de 3 anos de Goberno bipartito o PPdeG so perda nas enquisas 3 deputados o cal ten que levar os dirixentes deses dous partidos a facerse a reflexión de que Gobernaron 3 anos pero non convenceron, fáltalles chegar a xente. Penso que foron tres anos de goberno tecnocrático lonxe da xente e dos seus intereses.
Os matrimonios amañados na política sempre teñen un final, unha das forzas políticas sae perdendo, penso que é imposíbel un matrimonio PPdeG-BNG, outra cousa é que como estratexia política o PPdeG fale de elo, convenlle, pero eu non creo no discurso galeguista do PPdeG, desta dereita non.
Moi bo artigo Rafa, parabéns.
Umha mudança em toda regra.
Isto é o que precisa o BNG. Já há muito tempo (e quem me ouvir saberá quem sou...) que afirmo duas cousas que deveram se passar necessariamente para o bem de galiza e o nacionalismo:
1. o bng deve romper pela sua parte mais socialista (EN, UG, MpB, irmandinhos...) e ficar em duas organizações: uma ao estilo PNV outra ao estilo EA
2. o bng e o pp já há tempo que têm coincidências em mais dum 70% dos seus programas.
falta valentia.
Hai moito tempo que gran parte dos galegos nos sentimos un pouco orfos ou mal representados por non termos boa cabida nin no BNG nin no PPdG. Unha gran parte dos galegos cremos en ideoloxías tanto nacionalistas como liberais e por iso en calquera dos dous bandos non nos sentimos do todo a gusto. Polo de agora uns teiman cara ao bando "ideolóxico" e outros para o bando "territorial". Sentirse nacionalista e liberal e atoparse no BNG por veces é ben difícil de aturar a náusea con tipos como Lobeira e outros. Por outra banda, crer na creación de riqueza, na iniciativa privada sendo nacionalista galego e atoparse no PP con tipos coma Romay Vicaría, Conde Roa, Negreira, etc, é para abrirse as veas. Abofé que fai falla a cuarta pata da mesa de xeito urxente.
Falta valentía e moitas cousas máis. Antes arréglase o lío do concello veciño de Rafa.
http://www.anosaterra...
Por muito que o sr. Cuíña insista, um pacto BNG-PP nom teria nada a ver com umha "cultura democrática madura" ou com um escenário "normal". Seria um autêntico disparate, ou acaso é lógico que dous partidos tam afastados (supostamente polo menos) nos eixos esquerda/direita e espanholismo/galeguismo se aliem? Pero para que?? Nom se trata de que os integrantes dessas duas forças políticas sejam melhores ou peores galegos, que queiram mais ou menos a sua terra, simplemente tenhem ideas diferentes -e mui diferentes- sobre o que convém a GZ. Nom se empenhe, Sr. Cuiña, nem sequera nos casos particulares que citou como "interesses comuns" coincidem verdadeiramente os interesses.
Um conselho: deixe já de fazer a pelota a uns e a outros (a "brilhantez" e o "futuro" de Quintana, de risa), e nom manipule tanto: seica agora "quase todos" no BNG prefeririamos "todo aquilo" que nom for o PSdeG? Nom se trabuque, esse "todo" nom inclui o PP, de pactar com esse partido seria o golpe de graça para o BNG, que escacharia sem remédio. Claro que quiçais seja isso o que quer... um BNG que rompa como di o #10, em dous cachos... e você a capitanear a facçom direitista... ou a ser um interlocutor com eles desde o PP, que nom se sabe mui bem que prefire. Decida-se já...
E posible, pero non probable e ainda mais: NON DESEXABLE.
Poida que o PP tente volver a dar unha imaxe "galeguista" como fixera nos anos 80 e 90. Pero dende o punto de vista estratéxico hai unha diferenza con aqueles tempos.
Daquela o PP dando un xiro galeguista tiña moito que gañar (a posibilidade de absorber aos máis de mil concelleiros de Coalición Galega e os 170.000 votos que esta formación obtivera no 85, como logo aconteceu).
Pola contra, hoxe en día pouco electorado hai que conquistar por esa beira do espectro político, e os que quedamos, desta vez non imos estar dispostos a que o PP nos faga unha OPA hostil como lle fixera a Coalición Galega nos noventa (por moito xiro galeguista que pretenda dar).
http://www.terra-galega.org
E logo não molaria que Rafa Cuinha convencera a alguns do PP e encabeçara um partido galego de direitas que fora A SÉRIO?
A propósito, Rafa Cuinha, não sei se lerás os comentários... mas, se for assim, poderias-me facilitar a fonte da cita que aportas de Otero Pedraio?
Obrigadinho
dame a min que o Cuinha jr é nacionalista de centro dereita pero vai dar xogo de carallo
A julgar polos comentários deste e de anteriores artigos, hai gente abonda (nom sei na GZ mas polo menos em Vieiros) que devece por um partido de centro-direita galeguista-nacionalista. Pois como já dixo algum, esse partido existe e chama-se Terra Galega. O que realmente estea atraído por essa opçom ideológica, que se afílie ali e se ponha a tra-ba-lhar, que nom está ilegalizado como Batasuna, ainda que semelha que a gente nom se dá por enterada. Tamém se pode meter no PNG-PG, que está dentro do BNG e que mália nom ter muito peso nel está vendo como as suas ideas som cada vez mais aplicadas na prática.
Pero claro, é mais cómodo ficar na casa e agardar a que os partidos alheos mudem até coincidir com os desejos própios...
Non é a miña ideoloxía pero, o día que en Galiza haxa un partido nacionalista de centro-dereita, no PP van a pedir pan por señas. Por eso me parece necesario e desexable que xurda algo deste estilo. Se cadra ahí poderíase falar algo. Co PP amigo dos galegos bilingües, co PP que se avergoña dos da boina, co PP da garavata, o traxe e os benxamíns na rúa principal, con ese PP, eu non me sentaría a discutir nada. Non por ningunha inquina especial pero, de ahí, non sei que acordo bo podería saír.
Hai cousas que son evidentes. O BNG nace en 1982 coa arela de aglutinar todo o nacionalismo de esquerda e conseguir ser alguén no escenario político onde se comezaban a cocer as castañas (léase o que daquela chamaban parlamentiño de cartón). Durante os anos 80 o Bloque dedicouse a acumular forzas. Logo da escallafranca de Coalición Galega, alguén pensou que o BNG tiña que acoubillar todo o nacionalismo, incluido o de centro. Xente como Henrique Rodríguez Peña, Carlos Mella ou Pablo González Mariñas, proviñan de ambientes claramente de centro-dereita e, como moito, cunha vena autonomista que puido ir avanzando cara un algo máis.
O de Coalición Galega foi un soño. Ex ucds, ex membros do antigo réxime, galeguistas auténticos e moitos que buscaban outra vía confluiron naquela auténtica amalgama que en 1985 conseguiu 13 deputados e deu a gran campanada da historia política recente. Pero había unha gran diferenza entre estas xentes. Mentres que Peña e Mariñas crían nas bondades da autonomía e evolucionaban cara o social-liberalismo, os seus compañeiros de viaxe tiñan un prisma máis conservador e próximo ao PP. Todo esgallou e sabemos como rematou.
De todos os xeitos, aínda que moitos dos dirixentes coagas non tivesen demasiada querencia polo discurso, o certo é que CG arrasou lanzando unha mensaxe de centro-dereita claramente autonomista. O lema, lembremos, era "Fagámonos respetar" (fronte a Madrid) e a consigna era que CG era unha forza que non respondía a ordes estatais e que só miraba polo ben de Galiza.
Sen dúbida, Coalición Galega puido, se o tempo permitise depurar o que había dentro, unha especie de CiU galega. E a día de hoxe tería sido unha gran noticia. O Bloque non tería que andar arrastrándose para buscar o voto conservador e máis tépedo dende o punto de vista nacionalista e os partidos españois non serían os donos absolutos (non nos enganemos, o BNG é unha peza de apoio en todo o xogo autonómico)
Se todo fose normal, igual estabamos nunha situación máis semellante á de Euskadi ou Cataluña: Un partido centrista-autonomista con opcións de ser primeira forza e un nacionalismo de esquerdas (verdadeiramente soberanista) con máis capacidade de influencia.
Sen dúbida, foi un erro estratéxico notable o do Bloque ao querer afogar durante todos estes anos o nacemento dunha forza á súa dereita. Agora atópase buscando un espazo que non lle corresponde e que lle pode acabar facendo perderboa parte da súa base.
Polo ben do país é mellor un BNG forte, e un PSdeG e un PPdeG con máis marxe de manobra. Pero desenganémonos, o PSdeG non se parece en nada ao PSC nin o PP permitiría experimento minimamente galeguistas (o cuiñismo foi unha dor de moas para Génova). O país constrúese de xeito autónomo, sen ataduras a génovas e ferránzs, esa é a lección que deberiamos ter extraído.
Hai pactos xa BNG-PP nalgúns concellos e non morreu ninguén aínda...
Cando se decatarán os do Bloque que os do PP non comen nenos crus? E viceversa?
Que pouca calidade democrática nun país que demoniza a cultura do pacto.
hai unha cousa que é bastante clara, o pp está cheo de caciques, xente que fala galego a cotío coma Baltar, algo do que carece o PSdeG e se non carece pois non ten moito galegofalante. Os caciques son xente, que son o froito de 5 séculos de castelanización, e agora mesmo de españolización, pero ao seu xeito están apegados a terra. Normal que en moitos casos haxa xente do bloque aínda que non o diga moi alto que prefire pactar co pp. Lembrades a mítica pinza Beiras-Fraga?
De tódolos xeitos coido que o choio hoxe en día non é propicio, e que polo menos, aínda anque non sexa de verdade, o PSdeG quere un Estatuto de Nación.
Ninguén reparou nunha cousa moi importante, ao non existir maioría absoluta os 3 grupos estiveron dacordo en moitas medidas, e coido que esta foi unha lexislatura de entendemento en comparación cas da era Fraga.
Sería caralludo un partido nacionalista/galeguista de centro-dereita. Penso que tería un amplísimo número de potenciais votantes. Con el, no PP de Galicia (que non galego, ollo) quedaría simplemente a parte españolista do centro-dereita. Que carallo, quedaría só a dereita españolista nel! Galicia gañaría moitísimo cunha situación como a descrita por #9-meendinho. E tamén concordo con #6-bezoucos, penso que o BNG tén non poucos votantes castelánfalantes nas cidades, no que me incluiría, aínda que para ser exactos son unha sorte de neofalante ;)
#16 ANGR: A fonte que me pide é "Teoría de Galicia", obra xornalística en vida galega, 1226-1963. Editorial Galaxia.
saudos.
Rafa Cuíña
O PP-G é fácil q se faga galeguista, o q haberia q conseguir é q os españolistas nacionalistas máis reclacitrantes e carcas non fosen anti-galeguistas viscerais (de onde facilmente maman no PP-G segundo veñan os ventos q manda Madrí).
E isto non só vai polo PP-G, aos do Psoe e Psdg tamén lle chega ben.
Se o PPdG non se mostrase tan ambiguo no seu galeguismo-españolismo non tería tantos votos, levan un dobre discurso, que misturado coa súa rede clientelar lévanos a ser a forza mais votada, máis se se decantasen polo verdadeiro españolismo perderían cando menos a metade dos votos da xente orguiosa de ser e falar galego que non se sinten representados polo BNG do que dín que nos quere levar a idade media nin do PSdG que non é nin galeguista nin conecta co conservadurismo de boa parte do rural galego. Un partido coma TeGa é fundamental, e para eso só hai que deixar facer aos meios de comunicación da dereita españolista que acabará por forzar ao PP a mostrar ao gran público a sua cara máis antigalega e eso non o perdoarán os seus votantes que preferirán un partido nacionalista-autonomista de centro-dereita.
Eu coma moitos son moi de esquerdas e tamén nacionalista, nesta dualidade, coma nacionalista creo que sería que fundamental un partido coma TeGa tivese representación no parlamento, e ademais, deixaría liberdade ao BNG para facer verdadeira política de esquerdas. O problema? Creo na miña opinión que sería un golpe duro para os partidos soberanistas de esquerdas que inda sen representación teñen una influencia crecente na sociedade galega.
#26 Carl: Muito obrigado, vai-me ser de utilidade :)
O noso país necesita urxentemente un partido nacionalista (ou galeguista, si lles da medo a palabra) de dereitas. Rafa Cuíña e só a punta do iceberg dun electorado que na actualidade vota ao PP por non atopar outra opción de dereitas. O que non se entende é que as elites da dereita galeguista permitan esta situación e non teñan a valentía de romper cun PP ao que non lle interesa a prosperidade do noso país nin o noso idioma, e que é o gran responsable de que sigamos sendo unha das tres comunidades máis pobres do estado español. Pero o que menos se comprende, é que se poñan do lado dun partido que é o principal responsable da dramática situación do idioma galego.
Concordo ao cento por cento co comentario feito por Cambados. Se houbera na Galiza un partido de centro dereita forte penso que o nacionalismo galego sería máis forte e sería quen de plantarlle cara a Madrí.
Creo que BNG e PP deben poder pactar. Lévao pedindo Antón Losada desde hai moito tempo, antonte mesmo na súa brillante columniña de Galicia Hoxe, agora fai falta que máis xente se sume a esa idea. Concordo con Rafa na valoración que fai de Anxo Quintana, desprezado polos puristas, valorado polos impuros.
Co BNdG que temos hoxe todo é posibel. Con tal de non perder un chisco de poder, istes véndense ao mellor postor. Chámese PP ou chámese PSOE. Que non o esquezamos nin son PPdG nin PSdG. O tempo dará e quitará razóns. Para min que istes matrimónios de conveniencia poderían rematar con todo o chiringo. Ou sexa, para entendernos, nun divorcio esprex pactado de antemán. Polo demáis tamén exixten pactos co diaño.
Concordo con alguns dos comentarios que aqui se fan que non estaria mal anha ciu galega,encabezada por vostede, o meu voto non lle faltaria.Saudos
Alégrome de poder afirmar sen medo a equivocarme que, no medio ano que levo opinando e lendo os comentarios que os lectores de vieiros escriben a continución dos artigos, nunca vira un foro con ideas tan diversas e interesantes e escritas dun xeito tan conciso e claro, o cal dí moito a favor do nivel cultural e do compromiso co país dos lectores deste xornal.
Concordo con moitas das ideas aportadas, como a interpretación de Coalición Galega que fai Moltres. Coalición Galega foi a mellor oportunidade que tivo Galicia para ter unha CIU propia. Desafortunadamente houbo dous acontecementos que forzaron a súa desaparición, aparte das súas diverxencias ideolóxicas internas : a grave enfermidade e posterior morte do lider e principal aglutinador desta forza, Euloxio Gómez Franqueira (fundador das COREN e Caixa Rural de Ourense) e a traizón por parte de Victorino Núñez tras "vender" o partido ao PP a cambio de ser presidente do parlamento galego.
Se franqueira tivese vivido 5 anos máis posiblemente CG tería tido tempo para consolidarse e vertebrarse internamente.
Un saúdo
http://www.terra-galega.org
Por certo, tras observar que R. Cuiña le os comentarios dos seus lectores gustaríame facerlle unha pregunta que agradeceríqa moito que me respondese.
No teu primeiro artigo escrito en vieiros, en maio de 2007, titulado "Galeguismo de salón" (http://www.vieiros.com/opinion... definías a Terra Galega como "un insulto á Historia dos pais do galeguismo e, ó mesmo tempo, á intelixencia dos galegos e á súa traxectoria vital como pobo que sinte os seus acenos de identidade como algo básico cara un futuro no que teremos que apostar por forzas políticas, aínda que teñan a súa orixen en Madrid, que se identifiquen plenamente con el....animo ós galegos a censurar actitudes antigaleguistas e partidos que utilizan ese sacro termo, para aproveitarse das ansias das xentes de boa fe de ter unha forza política que realmente os represente".
A miña pregunta é a seguinte: non pensas que foi excesivamente dura e inxusta esa maneira de referirte a TEGA?.
Ano e medio despois de escribir ese artigo segues pensando o mesmo sobre esta forza política?
Qué pasos pensas que debería dar TEGA, cara onde cres que debería camiñar para consolidarse como unha opción política tan válida como a do Bloque, PP e PSOE?
Moitas grazas e un cordial saúdo
O único galeguismo de salon é o do PPdG que un día di que os galegos teñen dobre nacionalidade e o outro día din que van derrogar a Lei de Normalización lingüística, pero isto último dio en Madrid e non en Galiza. E que un franquista como Fraga se atrevese a mencionar a Castelao resumeoo todo sobre o PPdG.
Bom, gostaria de poder ter confiança no PP como aliado do partido galego mais forte e ao que, apesar do que tem de mau e graças ao que tem de bom, eu voto e que é o BNG. Mas devemos apreender da nossa história milenária e, por esquisito que poda parecer, devemos ter em conta umha cousa: sempre que os galegos quigemos meter o focinho na Espanha e os seus assuntos temos saido bem fodidos. Durante o reino suevo com Rekila (se nom me equivoco), nas guerras dinásticas castelãs entre a Beltraneja e Isabel a Católica, a Revolta Irmandinha (que tanto tem de heroica como de desastrosa para o país), e nom só. E o PP é Espanha. E o PSOE nom é um bom e muito menos fiel aliado mas, se quadra, caso de chegarmos a diferenças incontornáveis com a esquerda espanhola o melhor será ceder o governo do país novamente ao PP mas sem nos involucrarmos nele e esperar que caiam novamente. Nom se deve mandar ao caralho o nosso destino por um triste benefício imediato. As altas camadas do BNG devem reparar na grande responsabilidade que têm, nom representam apenas um instante da política galega senom toda a nossa esperança. O conservadurismo galeguista é necessário, mas nom a qualquer preço. Depositemos a nossa confiança em TEGA. O PP deve desaparecer da nossa terra igual que está a desaparecer na Catalunha. Apreendamos da nossa história e da dos demais. Sei que é umha frikada de comentário, mas acho que tem muito de verdade.
#38 non é unha fricada de comentario, é a verdade o PP hai que ir eliminandoo pouco a pouco e esa función tocalle a Terra Galega. Non se pode confiar nun partido no que hai votantes ex-franquistas e ultra-españolistas. Pero TEGA ten que porse as pilas e ter maior presenza en provincias como Pontevedra, porque ten moito que gañar e pouco que perder
Por que non se presenta as ideas en positivo??? Exemplo: molaría non sei que opción para o país... en vez de que molaría acabar con non sei que ou quen.
Há que dizer aos nossos idosos que o PP não vai ganhar.
O próximo presidente da Xunta está nas mãos deles, querem um socialista ou querem a Quintana?
Num país de velhos não se pode pretender mudar democráticamente a situação política sem contar com eles. E ademais, so estão enganados: as comédias Fraga Mata Porcos e Fraga Canha Brava... fez que a gente o vira coma um deles. (E agora ao trapalheiro que quedou no sitio.)
Pro-castehano com pele de cordeiro/ anho.
NINHADA DE RATOS NA CASA DO POVO!!!!!!!
#36 Ben, non teño por costume respostar comentarios porque na miña modesta opinión os artigos deben servir para o debate entre o lector de VIEIROS sobre o tema tratado se así o considera. Con respecto ao meu primeiro artigo, naquel momento as liortas internas, listas como a do Partido galeguista por A Coruña, a falla de líderes con visión de país que daban máis ben a imaxe de querer figurar máis que aportar, e unha incoherencia ideolóxica evidente, fixeron que expresase eso. Agoramesmo moitos destos males seguen existindo, aínda que me consta que sí existe xente de compromiso galeguista disposta a aportar o seu traballo por este país e eso merece todo respecto. Cara donde tirar TEGA? eu non son nin pretendo ser un gurú nin un apóstolo do galeguismo, pero agradezo os informes que o PG envíame para que lles dé a miña modesta opinión. Unha cousa son as ilusións, e outra a realidade sociolóxica do votante galego.
saudos
Rafa Cuíña
#40 Um eleitorado GALEGO debatendo se votar a BNG ou TEGA ou PG ou NÓS-UP ou FPG e especular sobre as possíveis coligações, os assuntos que estes partidos negociariam, a ideia de País de cada um deles?
Pensemos em positivo. O que iamos dar de nos fazerem um controlo de alcoolémia.
penso que a pactos puntuais se debe estar sempre aberto pero no que respecta ás liñas básicas da estratexia política a longo prazo vexo aínda moi distantes a bng e a pp. O ppdg ten un lastre moi importante en madrid, e non só o ppdg.
Precisamos unha revolta a dous niveis. Por unha banda loitar contra o imperialismo cultural español. Pola outra contra os empresarios e administración que dende Madrid manteñen a Galiza como un país pobre que suministra enerxía para o resto de España a cambio de nada.
Isto non é posible dende un pacto nacionalista + dereitas. Precisamos a forza da esquerda, anque o PSG non é o mellor exemplo.
E se nos chegara con BNG + EU??
Pero Izquierda afundida segue existindo na Galiza? Como se pode pactar con traidores á Galiza?
E exemplos moitos: apoio ao Musel e non a Ferrol, boicote ao galego no Bierzo e no Eo-Navia, política de dereitas en Ferrol, catro concelleiros polo país tocando os narices aos gobernos do BNG (como en Mugardos), etc.
Comigo que non conten. Llamazares patético e Iolandiña tamén.
Duas simples regras que evitam muitos erros em galego:
- Não há palavras galegas com ñ (isto é castelhano) em galego escreve-se nh
- Não há palavras galegas acabadas em n (isto é castelhano) em galego acabam em m
http://br.youtube...
http://br.youtube...
http://br.youtube...
#48 E que me dis das palabras que empregades os reintegracionistas e nom existem no galego da Galiza?
#49 Como pode chegar todo o vocabulário galego ao século XXI quando teve 3 (três) séculos proibido na GALIZA?
Os isolatas dizem que o galego teve um desenvolvimento separado do Galego/português durante os séculos escuros de fins de XV a fins de VIII.
Mas pode-se chamar desenvolvimento a:
- Um idioma proibido na Galiza nesse periodo.
- Idioma que deixou de ser escrito.
- Idioma falado só em casa e no mundo rural.
-Idioma que se transmitiu de pessoa a pessoa e de pais para filhos de OUVIDO com todas as deturpações daí resultantes.
- Os galegos obrigados a "hablar" castelhano em vez de falar o seu idioma nativo original da Galiza.
O que a RAG está a fazer é tentar apagar a nossa cultura original e substituí-la pela castelhana através do dialecto artificial “portunhol”.
Com humor: http://br.youtube.com/watch?v=...
http://br.youtube...
http://br.youtube...
http://br.youtube...
http://br.youtube...
Precisamos dun novo Estatuto para Galiza,e sen moita demora.O PP non o quixo,e agora?....
Precisamos dun novo Estatuto para Galiza,e sen moita demora.O PP non o quixo,e agora?....
Precisamos dun novo Estatuto para Galiza,e sen moita demora.O PP non o quixo,e agora?....
Mais tarde ou mais cedo teremos o nosso idioma nativo bem escrito:
http://br.youtube...
http://br.youtube...
http://br.youtube...
http://br.youtube...
http://br.youtube...
http://br.youtube...
#47 tem valoração negativa o que prova que os espanholistas/galicios estão organizados. Pois sendo minoritários aparecem em conjunto para desvalorizar comentários certos, valiosos e nacionalistas.
Coitados nem sabem que o nosso país se chama GALIZA não são galegos são galícios...
#30 disse:
" O noso país necesita urxentemente un partido nacionalista (ou galeguista, si lles da medo a palabra) de dereitas. Rafa Cuíña e só a punta do iceberg dun electorado que na actualidade vota ao PP por non atopar outra opción de dereitas. O que non se entende é que as elites da dereita galeguista permitan esta situación e non teñan a valentía de romper cun PP ao que non lle interesa a prosperidade do noso país nin o noso idioma, e que é o gran responsable de que sigamos sendo unha das tres comunidades máis pobres do estado español. Pero o que menos se comprende, é que se poñan do lado dun partido que é o principal responsable da dramática situación do idioma galego."
TODA A RAZÃO
Pedido dos nacionalistas a todos os galegos que transmitissem esta mensagem no fim de um comentário.
GALIZA CEIBE
1 Galego nativo escrito na norma universal como único idioma oficial na Galiza.
2 Entrada como membro de pleno direito na lusofonia.
3 Recepção imediata em canal aberto das televisões portuguesas na Galiza.
Só com estas condições a Galiza terá progresso em galego e será respeitada no mundo.
Novo comentario
Se xa tes o teu nome en Vieiros, podes acceder dende aquí:
Rafael Cuiña
Naceu en Lalín en 1972. Cursou estudos de Dereito e na actualidade é empresario neste municipio dezao.
Máis opinións
- Galeguismo de salón
- Uns gañaron máis ca outros
- Estatuto sí, mais decidimos nós
- Pactos versus Losada
- “Tonto é o que dí tonterías”
- É Acebes do PSOE?
- A intelixencia política... ou non
- E agora… as xerais
- Que erro, que inmenso erro! (*)
- A Dobre moral
- A clave foi Guerra (Alfonso)
- ¿Unha proposta extrapolable?
- Un erro máis
- E se encontra algo mellor … cómpreo
- Outro Partido Popular é posible
- Pode ser realmente o BNG decisivo en Madrid?
- Heroes do mar
- Contos populares
- A nova aventura do nacionalismo galego
- De "picos e palas"
- De adiantos electorais, ética e outras teimas
- De adiantos electorais, ética e outras teimas (II)
- A cacharela das vaidades
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
GZ-Sete
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto